[A:181]
rdo rje gdan du mngon par byang chub nas/ /
rnam gsum chos kyi dkyil 'khor rgyas pa de/ /
chos rgyal mes dbon 'phrin las g.yo ba'i mthus/ /
mkhas grub lo paN rlung gis legs bskyod nas/ /
kha ba can gyi ljongs 'dir gsal bar bshad/ /
sangs rgyas bstan pa'i pad tshal kha phye bas/ /
blo gsal rkang drug ldan pa rab 'khrigs te/ /
dam chos sbrang rtsi'i bcud kyis myos pa yis/ /
thar pa'i dga' ston nyams su myong ba'i tshul/ /
bka' drin dran pas gsal bar 'chad 'dod kyang / /
bdag blo shes rab gsum gyis dman pa'i phyir/ /
ji bzhin ma rtogs log par bshad pa gang / /
chos ldan bde mthong rnams kyis bzod par mdzod/ /
rgyal sras mdzad pa rmongs pa'i spyod yul min/ /
sgra tshad gnyis kyis dben pa rgan po'i tshig /
mi mthun nang 'gal mang pos rab dkrugs pas/ /
rnam dbye gsal bar smra pa'i skabs med cing / /
bdag nus dman phyir sdebs sbyor dang bral bas/ /
dmus long kha dog 'byed dang mtshungs mod kyi/ /
rgyal ba'i bka' dang tshad ma'i skyes bu yi/ /