[A:183]
dad ldan skye bo'i zhing sar legs drangs pas/ /
bka' drin dran pa'i myu gu rab 'khrungs te/ /
rjes zhugs brtson pa'i so nam legs sbyangs nas/ /
sde snod gsum gyi lo thog rab smin pas/ /
sems can rnams kyi dbul ba sel bar shog /
shes ldan 'ga' zhig legs bshad 'di mthong bas/ /
rab tu dgyes te mkhas pa'i mdun sar ni/ /
'bel ba'i gtam gyis dga' ston rab bkye bas/ /
bstan 'dzin rnams kyi bka' drin dran par shog /
bstan 'dzin gong ma'i yon tan 'di thos pas/ /
de dag ji bzhin sgrub par ma nus kyang / /
las can 'ga' zhig de yi rjes zhugs nas/ /
bstan pa'i bya ba tshul bzhin byed par shog /
bstan 'dzin 'ga' zhig snyigs ma'i sems can la/ /
rab tu skyo bas gzhan don g.yel ba rnams/ /
chos rgyal rnams kyi dka' spyad 'di gzigs pas/ /
snyigs ma'i dus 'dir gzhan don mdzad par shog /
'di las byung ba'i dge ba dri med des/ /
rgyal ba'i bstan pa yun du gnas pa dang / /
bstan 'dzin rnams kyi thugs dgongs yongs rdzogs nas/ /