[A:182]
legs bshad ji bzhin bris pa tha dad do/ /
bstungs pa med par gzugs su legs grub nas/ /
phyis pa med par dri ma rab dag ste/ /
phyin pa med par lkog tu gyur pa'i don/ /
'khrul pa med par rgya bod gsal bar snang / /
de phyir 'di ni kim shing kong jo yi/ /
snang srid gsal ba'i me long de dang mtshungs/ /
rgyal sras mdzad pa ston pa ches 'phags la/ /
gzugs dang don gyi dbye ba tha dad do/ /
legs bshad 'di ni spyi don dgos 'brel dang/ /
mdor bstan rgyas bshad tshul gyis 'chad 'dod kyang / /
lo rgyus khungs ston tsam zhig smos pa ni/ /
bdag blo thos pa dman pas rab zhum la/ /
thos ldan 'ga' zhig tog gis rab myos kyang / /
ji bzhin smra ba'i rnam dpyod kyis skom pa/ /
gal te srid na phrag dog byin za yis/ /
yi rang sregs kyis dgos pa'ang yin nam snyam/ /
bstan 'dzin yon tan rab dkar gangs ri las/ /
bdag blo gus pa'i gdung shugs kyis drangs pa'i/ /
ngo mtshar legs bshad bsil ba'i chu rgyun 'di/ /