[A:28]dang mnyam pa gangga'i klung gi bye ma snyed yod zer/ gsang sngags kyi chos 'di yang dag pa yin nam ma yin dris pa la/ gsang sngags 'di yang dag pa yin zhing / lcang lo can gyi phro brang na gsang sngags kyi chos rnams bzhugs pa la/ nga'i phu bo dzam bha la nag pos srung ma byed cing yod/ nga yang pho brang de'i nang du 'gro bar mi dbang /gsang sngags la ma dad pa sdig shin tu che bas bshags pa gyis zer/paNDi ta ku ma ra shri de gang zag ji lta bu zhig yin dris pas/ de ni mthong lam thob pa'i byang chub sems dpa' yin/ da lta dga' ldan du padma'i snying po la rdzus te skyes nas byams pa la chos nyan gyin yod zer/ thang zal tshang ji 'dra ba yin dris pas/ de ni sbyor lam la gnas pa yin pas/ da lta dga' ldan na ra ba'i phyi rol na byams pa'i gsung thos shing sku mi mthong bar yod zer ro zhes pa rgya'i deb ther rnying pa las dzam bha la sto shri mgon gyis mthong ba/ rgya bod kyi tshul smra ba rnams kyi nang nas mchog tu gyur pa si tu dge ba'i blo gros kyis lha sa'i gtsug lag khang du yi ger bris pa yin/ rgya nag gi tsan dan jo bo'i lo rgyus 'di la chos rje khu dbon thugs mi ston par bsams te/ gtam rgyud 'di'i lugs kyis se chen rgyal sar byon nas lo phyed dang gsum 'gro ba dang / ston pa 'das nas lo nyis stong dang bcu gsum song ba dus mnyam zer ba la/ chos rje pas rje btsun pa zhi bar gshegs pa'i chos 'khor gyi dus su lo sum stong sum brgya zhe