[A:29]dgu lon gsungs/ chu mig chos 'khor gyi dus su bla ma chos kyi rgyal pos rtsis pa la'ang lo sum stong bzhi brgya dang bcu lon ces pa dang /shes bya rab gsal du sangs rgyas mya ngan las 'das nas lo sum stong nyis brgya lnga bcu lhag 'das pa na jing gir rgyal po byung bar gsungs so/ /yang rgya nag gi lo rgyus 'di na ston pa shing pho stag la 'khrungs zer te/ 'di'ang brtag par bya'o/ /yang don gcig la bod dang rgya'i 'brel tshul dang / dbon zhang gi lo rgyus thang zhu thu han chan zhes bya ba rgya'i deb ther las bcom ldan 'das mya ngan las 'das nas lo stong dang lnga brgya drug cu rtsa drug lon pa'i dus su rgya nag gi rgyal po thang zhes bya ba byung ngo / /de'i dus su bod dang 'brel zhes byung ngo / /yang thang ko'u dzung gis sa pho stag gi lo la rgyal sa bzung /de'i bu tha'i dzung gi dus su bod kyi rgyal pos skyes bskur nas rgya'i rgyal po'i rtsar btang / phun tshogs dga' ba'i grogs po byas/ de'i lan du yang tha'i dzung gis gser yig pa hun de ha zhes bya ba la yi ge sa bskur nas/ bod kyi rgyal po'i rtsar btang ngo / /de'i tshe hor dang thu lu hun zhes bya ba'i mi rigs rnams kyis gser yig pa mngags te/ rgyal po la bu mo slong du btang ba la/ khong rang gi sras mo dngos ma yin pa'i rgyal rigs kyi bu mo re re byin no/ /de'i skad thos pa dang / bod kyi rgyal pos bu mo slong ba'i gser yig pa btang ba dang / tha'i dzung gis ma nyan pa'i stabs kyis gser