[A:31]sras 'dus srong mang po rje lo de nyid la rgyal sar bton te/ mgar gyi bu che ba li khyim gyis blon po che ba byas/ bod kyi rgyal po 'das pa'i skad skyel ba la/ rgya nag rgyal po'i rtsar gser yig pa btang ba dang /rgya nag rgyal pos kyang mar legs skyel ba la gser yig pa btang nas dur mchod pa'i cha rkyen bskur ro/ /de'i phyi lo mgar gyi bu gnyis pa btsan po dang / thu lu hun gyi blon po bros so gnyis dmag khri tsho gsum khrid yong nas rma chu'i khris la mkhar dmig dang / mi sde rgyag tu yong pa la/ kying hen gyi dmag dang 'thab pas rgya'i dmag pham/deri nub mo li kying hen gyis dmag sum stong khrid nas rgyab tu song ba la/ bod kyi dmag mi thams cad phyir bros so/ /yang bod kyis mgu dom la 'khor nas si chon gyi phyogs su yong ste mu ce'u ngan yung zhing blangs nas bzung / der ma gtogs pa'i nub phyogs su man zhes bya ba'i mi ris thams cad bdag byas shing / de las gzhan pa yang thung dang tang ha gnyis kyang bdag byas so/ /de'i dus su bod kyi rgyal po'i sa'i mtha' bzhi ni/ shar zung ce'u dang / mu ce'u/ 'u ce'u dang gsum/ lho phyogs bram ze'i yul la slebs/ nub phyogs 'u then la slebs/ byang phyogs hor la slebs/ de rnams skor ba la dpag tshad mang po yod do/ /bod lta bu'i dpa' bo dang rtul phod pa rgya'i rgyal po chen po han dang / g.yu dang / ce'u la sogs pa'i dus su yang byung ba med ces grags so/ /lcags pho 'brug gi lo