[A:30]yig pa phyir log nas bod kyi rgyal po la rdzun 'di skad byas te/ rgya nag gi rgyal po rang re la shin tu dga' nas bu mo'ang rang re la ster bar yod pa yin pa la/ thu lu hun rgya nag rgyal po'i rtsar song nas dbyen byas pa 'dra byas pa dang / bod kyi rgyal po zhe sdang skyes/g.ya' thung zhes bya ba la dmag bskur nas thu lu hun la rgyag tu btang bas thu lu hun tsong kha'i mtsho sngon phan chad du bros/ de'i shul du lus pa'i mi nor thams cad bod kyis bdag tu bzung zhing / rgyalapo'ang dmag 'bum phrag gnyis khrid yong ste zung ce'u bar du byon/de'i rjes la bod kyi rgyal pos blon po chen po le stong btsan bya ba la gser srang stong tsho lnga/ rin po che sna tshogs pa de dang grangs mnyam pa rgya'i rgyal po la bskur nas sngar byung ba'i 'thab rtsod rnams bzod par mdzod la/ bu mo nged la thong byas pa dang / tha'i dzung khong rang dngos kyi bu mo 'un shing kong jo lcags mo glang gi lor byin/ lcags pho khyi'i lo la bod kyi rgyal po srong btsan sgam po 'das so/ /de'i tshe rgya'i rgyal pos gser yig pa la cha rkyen mang po bskur te bod kyi rgyal po'i dur mchod pa la btang / bod kyi rgyal po gung srong gung btsan 'das nas/ de'i sras mang srong mang btsan lo bcu gnyis lon pa rgyal sar bton kyang / na so gzhon pa'i stabs kyis khrims kyi bya ba byed ma byung na'ang / blon po mgar gyis grogs byas nas rgyal srid lo bco lnga bskyangs so/ /sa mo yos kyi lo la rgyal po de nyid 'das nas/ de'i