[A:40]gsum pa/ gnya' khri btsan po sogs bod kyi btsan po rim byon gyi gdung rabs dang de rnams kyi mdzad pa'i skor/ bod kyi rgyal po'i gdung rgyud kyi 'byung khungs ni 'jig rten du mi'i 'gro ba pa rnams kyi nang nas mchog tu gyur pa ni chos rgyal mang pos bkur ba yin te/ de'i gdung rgyud la tshe lo brgya khri pa'i dus yar bcad/ skyo shas chung ba'i dus su 'khor los sgyur ba'i rgyal po byon nas sems can gyi don byas/ bskal pa mar 'grib kyi dus su ston pa yang dag par rdzogs pa'i sangs rgyas byon nas sems can gyi don mdzad pas/ gzhan pas ches mchog tu gyur pa yin te/ mi ma yin gyi bu dang rgyal phran 'ga' zhig gi che ba cung zad tsam la gang zag gis sgro btags nas brjod pa lta bu rnams lta zhog lha 'am klu la sogs pa 'gro ba gzhan gyis rgyal po'i yang 'gran zlar gyur pa ma yin te/ de rnams la yang dag par rdzogs pa'i sangs rgyas byon pa med pas so/ /de lta bu'i gdung rgyud khyad par can bod du byon tshul ni/bka' chems ka khol mar shAkya ri brag pa'i rgyud pa las/ rgyal po