[A:48]'bangs dang gnyen bsres te/ rgyal to re long btsan dang 'om lde bza' khri btsun byang ma'i sras khri btsan nam/ 'di'i ring la gnubs gnya' do re gtsug blon dang / dbas khri zung nong khong gis blon po byas so/ /rje de dang sman sa khri dkar gyi sras khri sgra spungs btsan/ 'di'i ring la 'gar sgra dzi mun dang / thon mi klu mang dred pos blon po byas so/ /rje de dang sman bza' klu steng gi sras khri thog rje thog btsan/ blon mgar btsan gnya' ldom bu dang /gnubs skyes thog rje mong btsan gyis byas so/ /de yan chad du mi rje lhas mdzad nas gdung rabs nyi shu rtsa bdun du/ chab srid sgrung lde'u bon dang gsum gyis bskyangs so zhes so/ /khri thog rje thog btsan dang ru yongs bza' stong rgyal na mo mtsho'i sras lha tho tho ri snyan btsan lags so/ /'di'i ring blon po khri thog rje gtsug blon dang /sbrang khri zung lan pas byas/ rgyal po 'di ni dpal phyag na rdo rje'i sprul pa ste/ pho brang sku mkhar yum bu bla sgang gi steng du spang skong phyag brgya pa dang / gser gyi mchod rten khru gang ba gcig mdo sde za ma tog gi snying po yi ge 'bru drug pa/ tsin ta ma Ni'i rkos phor/mu dra'i phyag rgya rnams nam mkha' la byon/ de nas da ste gdung rabs lnga na 'di'i don shes par 'gyur ro zhes sgra grags te lung bstan to/ /ci yin ngo ma shes kyang / ngo mtshar che nas pho brang gi skor khang du bzhugs te/ gser skyems dang g.yu sngon dang