[A:49]'bras kyis mchod pas/ rgyal po dgung lo brgyad cu lon pa la yang se'u skyes/ skra dkar rnams kyang nag por gyur/ gnyer ma med cing sku gzhon sha can du gyur nas dgung lo brgya dang nyi shu bzhes te/mchod pa'i rten de dag la gnyan po gsang ba zhes bya bar mtshan gsol/ rgyal po 'di'i ring la thog mar dam pa'i chos kyi dbu brnyes pa'o/ /de la btsan lnga zhes zer ro/ /btsan lnga man chad bang so yul du btab/ yul gyi ming ni 'phyong lung nga ra thang /btsan lnga'i mchad pa sa phung sbra 'dra yod / yul med mchad pa gru bzhi mi shes skad/ rje des grang yul gur sman zhes pa la sras med/rno bza' mang po rje'i sras khri gnyan gzungs btsan/ de'i blon po dbas snang gzher zla btsan dang / mgar khri 'bring gis byas so/ /khri gnya'i mchad pa don dkar mda' ru brtsigs/ de yang yul med sa phung bdal ba 'dra/ rje de dang 'brong bza' mo dur yangs gzher gyi sras 'brong gnyan lde'u ste/ blon po gnyags thang ba yar rje dang / gnubs khro dar re mthong pos byas/ rgyal po de'i sras stag ri gnyan gzigs dang gnyis la bar gyi steng zer/ de'i lo rgyus ni rgyal po'i khab tu dwags po nas mchims bza' klu rgyal ngan bu mtsho bzhes pas/ mos zas ci zos kyang rid cing / sngar bas bzhin mi sdug par gyur nas rgyal pos dris pa/ khyod sngar ni mi'i bu mo mi 'dra ba/ lha'i sras 'dra ste/ da 'di ltor rjud