[A:4]
dang po/ 'jig rten khams ji ltar grub tshul dang / mang pos bkur ba'i gdung rgyud las ston pa sangs rgyas rgya gar du byon nas sangs rgyas chos lugs ji ltar spel ba'i skor/
dang po/ 'jig rten gyi khams grub pa'i rkyen ni/ der skye bar 'gyur ba'i sems can rnams kyis las mthun par bsags pa'i dbang las so/ /mngon par grub pa'i tshul ni/ nam mkha' stong pa'i dbyings su phyogs bcu nas rlung g.yos nas phan tshun phul te brtan zhing mi g.yo bar gyur pa/ 'dzam pa zhes bya ba'i rlung gi dkyil 'khor/ kha dog sdo skya shin tu sra ba/ rngams su dpag tshad sa ya drug 'bum dang rgyar grangs med pa dang ldan pa chags so/ /de'i steng du chags pa ni 'og gi rgya mtsho ste/ rngams su dpag tshad 'bum phrag bcu gcig dang stong phrag nyi shu/ thad kar dpag tshad 'bum phrag bcu gnyis dang stong phrag gsum/ brgya phrag phyed dang lnga'o//