[A:5]de'i steng du chags pa ni gser gyi sa gzhi ste rngams su dpag tshad sum 'bum nyi khri'o/ /de'i steng du char gyi rgyun babs pa la chags pa ni chu'i rgya mtsho chen po ste/ de rlung gis bsrubs pas khams rab bsdus pa las ri rab dang / 'bring la gser gyi ri bdun dang / tha ma la lcags ri dang / sna tshogs bsdus pas gling rnams chags so/ /de la ri rab lhun po'i rgyu ni/ shar dngul/ lho baiDUrya/ nub shel dmar po/ byang gser gyi rang bzhin las grub pa'o/ /gzhan ri bdun ni gser 'ba' zhig dang / gling gzhan rnams ni sa shas che ba'i khams sna tshogs 'dres pa dang / khor yug ni lcags kyi rang bzhin las grub pa'o/ /tshad ni ri rab rgya mtsho'i nang du dpag tshad brgyad khri nub cing / steng du'ang dpag tshad brgyad khri 'phags la/kun nas lhun chags pa'i don gyi na lhun po'o/ /de nas rim pa bzhi na/ gnya' shing 'dzin dpag tshad bzhi khri/ shol mda' 'dzin nyi khri/ seng ldan chig khri/ lta na sdug lnga stong / rta rna nyis stong lnga brgya/ rnam 'dud stong nyis brgya lnga bcu/ mu khyud 'dzin drug brgya nyi shu rtsa lnga ste/ gser gyi ri bdun no/ /de dag gi bar na gnas pa ni rol pa'i mtsho bdun no/ /de'i lho phyogs na 'dzam bu'i gling yod de/ shing rta'i dbyibs lta bu'o/ /de'i tshad ni ngos chung shos lcags ri la bstan pa la dpag tshad phyed dang bzhi brgya dang / ngos gzhan gsum la stong phrag gnyis gnyis te/ mtha' skor la ni dpag