[A:54]brtsigs te/ rgyal po sprul pa skyes nas/ lha sa'i 'og khang nyin zhag gnyis la tshar/ steng khang rnams bal mo bzas lo skor gcig la zhabs su byon par byas shing / rgyal po nyid kyis sngar rgya rje la khas blangs pa chad btsan pa dang / rgya'i so kha phyir 'phul phyir rgya nag por byon nas rgya'i yul dang / phyir lha khang brgya rtsa brgyad bzhengs pa'i tha ma rab sgang brtsigs te/ yongs rjogs lha khang zhes bya'o//rgyas par jo bo chen po bod du byon pa'i dus su/ lha sa'i ka ba nas jo bo nyid kyis bton pa'i rgyal po'i bka' chems ka khol mar grags pa yod pas der ltos shig de yang thog ma nyid du khra 'brug bzhengs pa yin/ de la dgos su bka' chems zur pa gcig yod do/ /gzhan yang rgya gar gyi slob dpon ku ma ra dang / bram ze sham ka ra/kha che ta nu ta la sogs pa spyan drangs/ thon mi sam bho Tas lo tstsha byas te mdo za ma tog la sogs pa bsgyur pa yin la/ yig tshang 'ga' zhig nas shes rab kyi pha rol tu phyin pa stong phrag brgya pa yang bsgyur zer/ mdor na bod yul du dkon mchog gsum gyi rten btsugs/ khyad par du spyan ras gzigs kyi mdo rgyud nyi shu rtsa gcig bsgyur/ rgyal po nyid kyis thugs rje chen po'i chos skor gsum mdo dang / mdo skor dang / sgrub skor dang / zhal gdams kyi bskor ro/ /lo rgyus chen mo la le'u bzhi cu rtsa bzhi/ za ma tog gi gzungs/ phyag stong spyan gyi gzungs gnyis so/ /thugs rje