[A:55]chen po'i bsgrub kyi chos la sgrub thabs chen mo dang sgrub thabs kyi phran gnyis so/ /sgrub thabs chen mo'i skor la/ drug skor dang sum skoair gnyis/ de la spyi'i khog 'bubs dang / dgos kyi spyan 'grel dang / Ti ka dang / bsdus don rnams yod do/ /bshad chos yin no/ /gzhan yang zhal gdams kyi chos skor la gnyis/rgya che ba gzhan don du gdams pa che tsho dang / zab pa rang don du gdams pa chung tsho gnyis su 'byed pa la sogs pa thugs rje chen po'i chos skor mang po dang / lha sar phyag mchod byas pa'i phan yon/ma 'ongs pa lung bstan pa gab pa sngon chung du grags pa dang /gzhan yang da ste gdung rabs lnga na/ nga yi dbon sras rgyal po lde zhes bya ba'i ring la dam pa'i lha chos byung / de bzhin gshegs pa'i rjes su rab tu byung ba dbu reg dang zhabs rten/ sku la ngur smrig gi rgyal mtshan gsol/ lha dang mi'i mchod gnas kyang mang du byung /de la rang dang gzhan gyi 'di dang phyi ma/ mtho ris dang thar pa'i bde ba byung bas/ nga'i dbon sras rje blon rnams kyis mtsho ba rje bla nas sbyor/ chab 'og nas sde byin la dbu mchod gnas su khur cig ces bka' bstsal to/ /de blon po mgar gyis zangs kyi byang bu la bris nas 'ching bu'i dkor mdzod du sbas so/ /gzhan yang de nas gdung rabs gnyis nas rgyal po dud 'gro'i ming can byung / dam pa'i chos bsnubs par gyur te/ mthar mnar med pa'i dmyal bar