[A:56]'tsheng par 'gyur ro/ /kha ba can gyi rgyal khams 'dir/ /de nas rgyal rabs 'ga' zhig na/ /dam chos me stag tsam zhig byung zhes pa dang / yang kha ba can gyi rgyal khams 'dir/ mar me 'chi khar 'od ni gsal ba bzhin/ zab mo'i don rnams shin tu gsal bar 'gyur zhes la sogs pa lung bstan mang du mdzad nas/ yi dam gyi lha jo bo thugs rje chen po'i thugs khar steng zhal gsum ka 'od du zhu nas thim so/ /de ma thag nas thugs rje chen po'i thugs kha nas/'od zla ba nya gang ba tsam zhig shar bas phyi nang thams cad gsal bar byas/ des skul nas rta mgrin/
dkar mo bar khang gi nub logs la yod
sgrol ma/ bar khang gi lho ngos la yod
sman rgyal/ 'og khang dang lha'i mdun na yod
byams pa/ chos 'khor yin
mi bskyod pa/ ra mo che'i jo bo
mar me mdzad/ blo bur g.yas
snang ba mtha' yas/ mi 'gro gsung byon yin
sme brtsegs sgo 'gram kyi lde gu
rnams las kyang 'od zer 'phros pas/ 'od zer 'phros pa'i lha brgyad du grags pa da lta lha sa na mngon sum du bzhugs so/ /srong btsan bang so 'phyong po'i mda' ru brtsigs/ /che chung tshad ni dpag chen mda' rgyang gang / /nang na lha khang lnga yang bzhugs skad do/ /bang so nang rgyan can du grags pa yin/ /bang so gru bzhir brtsig pa de na byung / /ming yang smu ri dmug po lags so skad/ /rgyal po srong