[A:66]ru man chad du rgya dmag mi drang / de man chad du bod dmag midrangaba'i mna' byas/ mtho brtsigs/ dpang du lha klu gnyan po bzhag dbon zhang ji ltar 'chad pa'i gtsigs kyi yi ge gsum du mchis ti/ gcig ni rgya'i rdo rings la bris pa'o yi ge la'ang /chu pho stag gi lo dbyar zla 'bring pa'i tshes drug la dkyil 'khor la 'dzegs te/ bod kyi brtsis bzung ngo zhes yod cing / rgyas par rdo rings kyi yi ge las shes so/ /de'i dus su bstan pa la bar chad byung ba'i tshul ni/ dbas stag sna la sogs pa rnams kyis phra ma bcug nas blon po chen po brang kha dpal yon bsad/ lha sras gtsang ma lho ma brag tu spyugs/ chos rgyal ral pa rang la'ang ngan byas te/lcags mo bya'i lo sum cu rtsa drug bzhes pa la lam gro zhom par gshegs so/ /khu chen ral pa can gyi bang so ni/ don mkhar mda'i g.yon gyi phyogs na yod/ ming ni khri snyengs rmang ri lags so skad/ 'di yan bcad la skyid pa'i gdung rabs phyed dang bcu gsum dang /shin tu skyid pa'i gdung rabs lnga zhes zer ro/ /rgyal po glang dar ma chu mo lug gi lo la skyes/ rgyal po ral pa can sku gshegs/ glang dar ma rgyal sar bton pas dbas stag na can la sogs pa sdig blon rnams kyis bslus te/ rgyal po'i thugs su gdon gsol nas bstan pa bsnubs so/ /rgyal po nyid kyang lha lung dpal gyi rdo rjes bsad/'di la smad kyi ldengs zer/ dar ma'i gral ni 'phrul dang rgyal chen