[A:70]tu byung nas mtshan ye shes 'od ces bya ste/ mtho lding dpal gyi gtsug lag khang bzhengs| lo tstsha ba rin chen bzang po dang /rngog legs pa'i shes rab la sogs pa khye'u blo rno ba nyung rtsa gcig rgya gar du chos slob par brdzangs/ paNDi ta shra ta ka ra warma la sogs pa spyan drangs te/ mtshan nyid kyi theg pa dang / khyad par du rgyud sde bzhi bsgyur cing gtan la phab/ paNDi ta dharma pA la dang pradznya pA la spyan drangs te/ zhang zhung ba rgyal po ye shes kyis sdom pa blangs shing / bal por 'dul 'dzin sre ta ka la 'dul ba'i lag len zhus te/ de nas brgyud nas 'dul stod lugs dar bar mdzad do/ /gcung 'khor los kyang kha tsharagyi gtsug lag khang bzhengs/ de'i sras lha sdes kyang paNDi ta su bha shi ta spyan drangs| de'i sras 'od lde dang / zhi ba 'od/ btsun pa byang chub 'od gsum gyis nag tsho tshul khrims rgyal ba la sogs pa'i mi lnga la gser mang po bskur/ rgya brtson seng dpon du bskos nas paNDi ta bzang po spyan drongs la shog byas pas/ rgya gar shar phyogs kyi rgyal po dge ba dpal gyi sras paNDi ta di pam kar shri rnya na spyan drangs/ sgrol mas lung bstan nas bod du bon/ sangs rgyas kyi bstan pa dar bar mdzad/ mnga' bdag 'od ldes kha che dznya na shri spyan drangs/ de'i sras tse lde'i ring la paNDi ta zhi ba bzang po la sogs pa spyan drang sa/ lo tstsha ba rngog blo ldan shes rab rgya gar du brdzangs/ bstan pa la bya ba chen po mdzad do/ /