[A:71]smad gsol chad 'di rnams sngon gyi yi ge rnams la mi 'dra ba mang du snang zhing / khyad par du stod kyi mgon gsum gyi gcen po gnyis kyi rgyud gsal mi snang yang / sku mched gsum gyi che ba dpal gyi mgon gyis mang yul bzung zhes byung bas da lta'i jo bo ras chen khu dbon gyi bar du brgyud/ bar pa bkra shis mgon gyis spu rangs su byon pa dang / btsan phyug lde nas brgyud pa ya tse'i rgyal rgyud chad pas/spu rangs nas gdan drangs/ de'ang da dung gdung chad nas/ ya tse dang spu rangs gnyis ka'i gdung chad par sems te/ blo dang ldan pa gzhan la dris nas skabs 'dir bri bar bya'o/ |lha bla ma khu dbon gyi skabs 'dir lo tstsha ba bu ston gyi chos 'byung ltar bris pa yin gyi/ 'on kyang jo bo rje spyan drangs tshul mi 'dra ba cung zad snang zhing / rgyas par 'og tu bshad par bya'o/ /mnga' bdag khri lde'i sras 'bar lde/ de nas rim pa bzhin bkra shis rje/ bha lde/ na ga lde ba rnams byon/ na ga lde'i sras btsan phyug lde ya tser byon/de'i sras bkra shis lde/ de'i sras drag btsan lde/ de'i sras grags pa ldes gser bre bdun cu la 'jam dbyangs kyi sku bzhengs/ nyi shu rtsa bzhi la mchod rten bzhengs/ dngul dkar lnga brgya la phag mo dang lhan skyes bzhengs/ dngul dkar stong phrag bcu gnyis kyis byams pa bzhengs/ gsung rab mang po bzhengs/ de'i sras a sog ldes rgya gar rdo rje gdan du chos rgyal mya ngan med kyis phul ba'i