[A:76]par bya'o/ /gcung po yang 'bri gung du bla ma gcung rin po che'i sar lha btsun mdzad nas/ lha ngam shod par grags/ gcen so 'bag gis rgyal srid bzung / sras lnga la/ che ba jo bo shAkya mgon/ lha 'gro ba'i mgon po/ lde pa/ lde chung / jo rgyal rnams yin la lha 'gro ba'i mgon pos khu bo'i sar byon nas/ spyil bu'i gdan sa mdzad de/ sku che ba'i yon tan yang bka' brgyud kyi skabs su bshad par bya'o/ /lde pos 'bangs brtsigs bzung / de'i sras jo bo shAkya dpal gyis 'bangs brtsigs su rgyal srid bzung / g.ye che chung dang bcas pa la dbang sgyur ro/ de'i sras jo bo shAkya dpal gyis 'gro mgon chos kyi rgyal bo'i drung du rab tu byung / mkhan po bla ma chen po nyid dang / slob dpon drung bdag chen po'i yab ye 'byung gis byas/ ming mkhan po dang sbyar te blo gros dpal bzang po bya bar btags nas nye gnas byas pa la sras med/ lde chung gzhon nur gshegs/ chung ba jo rgyal bu lur phog de'i sras brtsad po jo 'phel/ de'i sras che ba spyil bur rab tu byung nas gdan sa mdzad pa la/ lha zur khang par grags so/ /gcung po'i rgyud khrom po ba rnams yin no/ /gcen po jo bo shAkya mgon gyis gcung po rnams sa sar phog nas khong rang gis pho brang gnas chung btab/ chos rje sa skya paNDi ta gdan drangs nas dbyar gnas kyi sbyin bdag mdzad/ chos kyi 'khor lo skor/ rgyud gsum gdams