[A:77]ngag dang bcas zhus/ pho brang du bkra shis pa'i rten 'brel du 'jam dbyangs kyi phyag mtshan dang nor bdag rnams bris/ nor gter bcug chab srid la mnga' mdzad/ de'i sras jo bo shAkya bkra shis kyis pho brang rnying ma btab/ chab srid la mnga' mdzad nas/dgung lo bdun cu rtsa bzhi la gshegs/ de'i sras che ba khu bo'i sar rab tu byung nas spyil bu'i gdan sa mdzad/ lha brag dkar bar grags/ de'i gcung po mnga' bdag grags pa rin chen sku na gzhon nu nas rab tu byung nas/ bla ma rgyal rin po che'i nye gnas lo lnga mdzad/ chos khrid rjogs par zhus/ rting ma 'gro mgon chos kyi rgyal po dang mjal/ rgyud gsum gdams ngag dang bcas pa zhus/nye gnas byas nas rgya yul du phyags phyir byon/ se chen rgyal po dang mjal/ rang gi mnga' ris la dbang sgyur ba'i lung blangs/ brag kha la sogs pa'i pho brang mang po btab/ yum shes rab kyi pha rol tu phyin pa stong phrag brgya pa la sogs gsung rab mang po gser las bzhengs/ jo gtan tshogs pa'i chos gzhi nam zhag gtan du 'degs pa'i son 'dzugs pa la sogs pa bstan pa'i zhabs tog dang / sbyin gtong du ma mdzad/ dgung lo bzhi bcu'i bar chab srid chos bzhin du bskyangs te/ dgung lo lnga bcu rtsa gsum lon pa lug gi lo la mnga' bdag shAkya mgon la rgyal srid gtad nas/nges don zab mo'i thugs dam la zhugs nas glang lo ba bdun cu rtsa