[A:78]bzhi lon pa/ sa pho 'brug lo la zhi bar gshegs so/ /de'i sras bzhi la/ gcen po rab tu byung nas lha spyil bu ba bla gros 'od kyis spyil bur chos kyi rgyal srid bskyangs/ gsum pa lha btsun tshul khrims bzang po gdan sa phag mo grur rab tu byung / gcung po 'bal gzhon pa la 'das/ sku mched bzhi'i gnyis pa mnga' bdag shAkya mgon pos spyir bstan pa'i zhabs tog mang bar mdzad/ sde snod rin po che rnams pa gsum gyis chos kyi 'khor lo skor / lo tstsha ba grags pa rgyal mtshan la sogs pa mkhas grub du ma'i zhabs tog mdzad/ yab mes kyi pho brang yum bu bla sgang la gtsug lag khang bzhengs/ chab srid chos bzhin bskyangs te/ dgung lo lnga bcu rtsa gsum la zhi bar gshegs so// gangs can ljongs 'dir legs bshad 'byung ba'i gzhi//bstan pa'i rtsa lags chos rgyal mes dbon gyis//mdzad pa mchog gyur bzang po'i chos lugs rnams//deng seng 'di na ming gi lhag ma tsam//dus ngan skye bo'i ngan spyod ches cher 'phel//gzhan dang bstun na khyod kyi gdung rus smad//tshul bzhin bsgrubs na da lta'i ming dang 'gal//bdag ni smon lam btab la ma dag 'dra//snang ba mtha' yas rgyal ba'i zhing khams der//