[A:88]drug pa/ bstan pa phyi dar ji ltar dar ba dang bka' gdams pa'i bstan pa bod du dar tshul skor/ bod kyi chos rgyal byang chub sems dpa' rnams kyi mdzad pa 'phrin las la brten nas/ bod du sangs rgyas kyi bstan pa dar ba las/ mnga' bdag ral pa can yar bcad ni snga dar yin la/phyi dar la bstan pa'i me ro smad nas bslangs te/ mnga' ris stod nas dar zhing rgyas par mdzad ces zer ba'i tshul ni/ dar mas bstan pa bsnubs pa'i dus su/ 'jad kyi 'gyel mi gtsang rab gsal/ bo dong pa g.yo dge 'byung / stod lung pa dmar shAkya mu ne dang gsum gyis 'dul ba dre'u'i khal gcig bkal te mdo smad an chung gnam rdzong / dan tig tu bros te sgom zhing yod pa la/ las dang skal bar ldan pa'i bla chen pos mjal bas/ de nas gtsang gi mkhan po byas/ g.yos slob dpon byas te dge tshul du bsgrubs so//de skad thos nas dbus gtsang nas klu mes la sogs pa mi bcus sdom pa len pa la phyin nas dbus gtsang du slebs/ chos bzhi rnams so sor bzung / gtsug lag khang mang po bzhengs/ bod phrug blo rno ba