[A:89]mang po rab tu byung / dba' rag la sogs pa sde pa so sor gyes pa mang po yod de/ 'di rnams kyi tshul bod kyi yig tshang rnying pa dang /sngon gyi mkhas pa rnams kyis byas pa'i bstan bcos dang / khyad par du bod kyi paNDi ta chen po thams cad mkhyen pa bu ston rin po ches mdzad pa'i chos 'byung chen mo las shes par bya'o/ /'di la snga rabs pa rnams kyis bstan pa bar dar zhes grags kyang / glang dar mas bstan pa bsnubs pa'i rjes su dbus gtsang du bstan pa ye med par lo bdun cu rtsa gcig byung bas/ snga phyi gnyis su 'byed kyi/ gsum du 'byed pa mi 'thad ces bdag gi bla ma thams cadamakhyen pas gsungs/ de ltar dbus gtsang du gtsug lag khang dang / dge 'dun gyi sde mang du 'phel kyang / bstan pa'i phyag len gtsang ma med pa'i skabs su/ chos rgyal byang chub sems dpa' rnams kyi dbon sras lha bla ma khu dbon gyis jo bo rje bod du spyan drangs pa nas bzung ste/ bstan pa gsal bar byas pas/mnga' ris stod nas dar zhing rgyas par mdzad pa yin la/ de la'ang jo bo chen po'i rnam thar 'dzin pa rnams la bka' gdams par grags pa la/ de'i lo rgyus bod kyi yig tshang rnying pa na 'di ltar snang ste/ 'jam dpal rtsa rgyud nas lung bstan pa/ lha bla ma ye shes 'od kyis sangs rgyas kyi bstan pa gsal bar byed pa la paNDi ta la thug dgos par 'dug dgongs nas/ sngar gyi 'bangs rnams kyi nang