[A:91]ba'i gser rnams phyag tu phul/ gdan ma 'drongs pa'i rgyu mtshan snyan du gsol nas/ khong rang jo bo la chos zhu ba la rgya gar du logadeli zla la nag tsho tshul khrims rgyal ba yang lo tstsha slob pa dang mngon pa nyan pa la bzhud/ de'i dus su lha bla ma ye shes 'od kyis rgya gar thang khob la byon pas sog po'i dmag gis bzung nas/ khyod nang pa sangs rgyas pa'i rgyal por 'dug pas/ phyi rol pa'i bstan pa la zhugs nus na gtong / de ltar ma yin na gser rgyal po nyid dang ljid mnyam gcig dgos zer ba la/ sku lus dang mnyam pa'i gser rnyed pa'i skabs su/ bha bla de'i gsung gis sangs rgyas kyi bstan pa ni srog las kyang ches phangs la/ da nga rgas pas bstan pa'i bya ba yang cher mi yong bar 'dug pas/ shi yang sla yi/ nga blu ba'i gser des mthun gyis la/ jo bo chen po rje bod du spyan drongs/jo bo dngos spyan ma 'drong sa na'ang paNDi ta bstan pa la phan thogs pa gcig gdan drongs la sangs rgyas kyi bstan pa rnams dar bar gyis zhes pa'i zhal chems lha bla ma byang chub 'od la bskur nas/ lha bla ma chen po de nyid rgya gar thang khob tu sku gshegs so/ /lha bla ma byang chub 'od des kyang gsung sgrub pa'i ched du jo bo chen po gdan 'dren gyi mi go chod ma rnyed pa la/ gung thang lhas can gdong ba nag tsho tshul khrims rgyal bas lo tstsha bslabs nas/ rgya gar nas tshur slebs ma khad du/ lha bla ma byang chub 'od kyis bka' nan cher bstsal/