[A:92]gser mang po bskur nas 'o skol bod 'dir bstan pa la 'phel 'grib mang bar byung / khyad par gsang sngags pa rnams kyis sngags sgra ji bzhin par bzung nas/ sbyor sgrol la sogs spyod rtsing mang du byas/bstan pa 'grib pa la thug sngar yab mes kyi dus su gdan drangs pa'i paNDi ta chang chung de rnams kyis kyang bstan pa la phan pa cher ma byung / da lha bla ma chen po de yang thugs dgongs rdzogs pa gcig bya dgos bsam par dgongs nas/ jo bo chen po cis kyang gdan 'drongs pa gcig byed/ 'dul ba 'dzin pa tshul khrims rgyal ba khyod la lam rgyus kyang yod/ lo tstsha yang shes pas/ jo bo spyan 'dren pa la song / ci nas kyang jo bo spyan ma 'drongs na/ paNDi ta bod la phan thogs pa gcig gdan drongs gsungs nas/ khong gi g.yog tu an ston/ kan ston/ rgya ston bya ba gsum dang /'phral skad shes pa'i mi gcig te/ dpon g.yog lnga la gser tshad med bskur nas brdzangs/ shra'i ka ma la shi la'i gtsug lag khang du phyags phebs/ rgya brtson 'grus seng ge la lha bla ma'i gsung 'phrin rnams bsgyur/ jo bo spyan ma 'drongs na/ gzhan paNDi ta ji lta bu yod ces gros byas pas/ rgya brtson 'grus seng ge'i zhal nas/paNDi ta dag 'di lta bu mang po yod de/ de rnams kyis bod la phan thogs pa dka' bar 'dug da dung jo bo rang sbyan 'dren pa yin pas 'di ltar gyis shig zer/ ces zhal lta zhib tu byon nas/ rgya