[A:96]yin min kun gyi mgo ldog 'byed pa'i dus/ /snying po thams cad gcig tu 'gril ba'i dus/ /thos bsam sgom gsum gcig tu sprug pa'i dus/ /'brom rje thub pa'i bstan pa lnga stong gnas/ /'on kyang bod du chos spyod ji ltar dar/ /bdag gi bstan pa dkrong skyed byas pa yin/ /da ni legs par bzhi bzhengs tshar ba yin//chos 'di legs par skyongs shig rgyal ba 'brom/ /mtha' rgya byang nas skyed gcig snying stobs can/ /pho rus rnam thar zung gcig khrel gzhung can/ /pha gcig bu gcig yin no snying la soms/ /gung thang ba ni bla ma gnyis pa tshol/ /'brom rje khyod ni kho bo gcig pu sems/ /sbrul gyi lpags pa rjes kyang sbrul mi rje/ /kho bo shi tshul bstan kyang a ti sha/ /bdag gi bstan pa 'di ni khyod la gtad/ /lo 'khor gcig gi bar du byang phyogs su/ /chos kyi char pa phab la gzhan don mdzod/ /de nas khyod kyi yon tan ma lus pa/ /gang zag gcig gis blang bar mi nus kyis/ /las chen brgya bcu skos la mtha' rgya skyed/ /gtso bo sprul pa'i sku mched gsum po la/ /gzhung dang gdams ngag thun mong gsum byin la/ /lhag chad med par rang gi gdan sa gtod/ /gnas kyi gdan sar a mes chen po skos/ /de nas zhen cing chags pa mi byed par/ /dga' ldan gnas su bdag gi drung du shog ces dge bshes ston pa bstan pa'i bdag por byin gyis brlabs shing / /gdan sa sku mched rin po che gsum dang