[A:97]bcas pa lung bstan/ gzhan yang thugs dam gyi lha rten/ rnal 'byor pa bzhis gtso mdzad/ 'khor thams cad dang bcas pa dge bshes ston pa la gtad/ zhal ta thems dang bcas pa mdzad nas sa pho rta'i lo dbyug gu zla ba'i tshes nyi shu la mgon po a ti sha de nyid snye thang du mya ngan las 'das so/ /sa mo lug gi lo la phyi'i rten dang dngul gdugs can thams cad tshar ba mdzad/ de nas dge bshes ston pa rang gi 'khrungs yul gnam ngos la rim gyis byon te/ phreng kha ber chung bya bas gdan drangs nas/ byang rwa sgreng du byon te gzigs pas/ rgyab na brag rdo 'dra ba/ mdun na mtsho g.yu rung 'khyil pa 'dra ba/ g.yas g.yon gyi ri la rgyal srid rin po che sna bdun la sogs pa'i yon tan du ma 'dug pas/ lung bstan pa'i gnas de yin par mkhyen nas/ de nub seng ge brag khung du rmi lam brtags pas/ dbu rtse rnying ma'i shul de nas mchod rten gcig 'dug pa las 'od 'phros pa'i sna la gtsug lag khang gan ji ra lhag ge ba da lta ji ltar yod pa bzhin du gyur yang de rnams las 'od 'phros pas bod khams gsal bar byas pa gcig rmis pas/ gser gyi mchod rten 'dug pa'i sa der/ lcags mo bya'i lo sa ga zla ba'i tshes gcig la gtsug lag khang ka gnyis ma rmang bting nas bzhengs te/ rwa sgreng gi dgon pa 'og mar grags pa btab/ dge bshes ston pas lo dgur gdan sa'i mnga' bdag mdzad de/ dgung lo drug cu bzhes