[A:98]pa la rwa sgreng du sku gshegs/ de'i rjes la rnal 'byor pa chen pos gdan sa lo phyed dang bcu bzhi bzung nas drug cu rtsa gsum la sku gshegs/ de'i rjes su rnal 'byor gyi dbang phyug dgon pa bas gdan sa bzung / rwa sgreng gi dgon pa gong ma btab/ rin po che sne zur ba la sogs smin par mdzad do/ /de nas dge bshes ston pa'i slob ma sku mched rin po che gsum ni/ phu chung ba gzhon nu rgyal mtshan/ po to ba rin chen gsal/ spyan snga ba tshul khrims 'bar te/ kham pa lung pa shAkya yon tan dang bzhir yang grags/phu chung bas slob ma la rten/ po to bas slob ma nyis stong dang brgyad brgya tsam 'dus/ rwa sgreng gi'ang gdan sa lo gsum bzung / de'i rjes su rnal 'byor shes rdor gyis gdan sa mdzad pa yin no/ /bar skabs 'dir gdan sa ji ltar byon pa ma togs/ rting la 'od 'jo bas rwa sgreng bzung / mkhan po gur ston bskos/ de'i rjes su gdan sa ma non par su bskos kyang yun ring ma thub/ de'i dus su mkhan po rma ston bya ba lha 'gro ba'i mgon po'i slob ma gcig klung shod mkhar thog na bzhugs pa la/ rwa sgreng dpon gnas kyis rwa sgreng gi gdan sa la spyan 'dren du byung ba 'gro ma nus par/ lha 'gro ba mgon gyi drung du zhus pas/ khyod rwa sgreng gi gdan sa la 'gro ba la ngo tsha mi dgos/ ngas 'di nas sbyin gyis rlob pa yin pas/ khyod rang chos 'chad pa dang gtam gtong ba man pa ci yang bya mi dgos/