[A:༥]ཐུགས་སྟོབས་དང་མཛད་པའི་འཁུར་བཞེས་པ། ཁམས་གསུམ་གྱི་མགོན་པོ་བྱང་ཆུབ་སེམས་དཔའ་རྣམས་ཀྱི་གཙོ་བོ། ཐར་འདོད་རྣམས་ཀྱི་འདྲེན་པ། ལམ་ཞུགས་རྣམས་ཀྱི་དེད་དཔོན། རིགས་གྲོལ་གྱི་སྤོབས་པ་ཐུན་མོང་མ་ཡིན་པ་ལ་མངའ་བརྙེས་པས་ཐེ་ཚོམ་གྱི་དྲ་བ་རྣམ་པར་གཅོད་པ། ཤེས་བྱའི་གནད་མཐའ་དག་ལ་དབང་འབྱོང་བས་གནས་དང་གནས་མ་ཡིན་པར་སྤྱོད་པ་ལ་བསྙེང་བ་མི་མངའ་བ། རང་གཞན་གྲུབ་མཐའ་རྒྱ་མཚོའི་ཕ་རོལ་དུ་སོན་ཅིང་། སྒྲུབ་དང་སུན་འབྱིན་གྱིས་རྨོངས་པའི་འཐིབ་པོ་གསལ་བ། ཆོས་དང་ཆོས་མིན་རྣམ་པར་འབྱེད་པ་ལ་མཁས་པས་གདུལ་བྱའི་རྒྱུད་ཡང་དག་པའི་ལམ་མ་སྦྱོར་བའི་རྩ་ལག་ཆེན་པོར་གྱུར་པའོ།
ས་བཅད་གཉིས་པ། བླ་ཆེན་དེ་ལ་མདོ་སྔགས་ཆོས་ཚུལ་རྒྱ་མཚོའི་བཀའ་བབས་ཚུལ་ནི། དེ་ཡང་འདི་སྐད་ཅེས་ཐོས་ཏེ། འཇིག་རྟེན་ཀུན་ཏུ་འདི་དང་གཏན་གྱི་མདུན་མ་ལེགས་ཉེས་ཀྱི་སྒོ་ནི། ལེགས་པར་སྤྱད་པའི་ཆོས་ཡོད་མེད་