[A:༡༦]གསུམ་གྱི་རྟོགས་པ་གོ་རིམ་མ་འཆོལ་བ་ཐུགས་ལ་འཁྲུངས་པས་གདམས་ངག་གིས་ས་རྒ་མ་ལོག་པ། རྒྱུ་མཚན་དེས་རྫོགས་པའི་སངས་རྒྱས་ཀྱི་ཡེ་ཤེས་ཆོས་སྐུའི་རང་གཟུགས་རྡོ་རྗེ་བདག་མེད་མ་ལ་མི་ལྡོག་པའི་དད་པ་ངེས་ཤེས་ཁྱད་པར་ཅན་འཁྲུངས་པས་མོས་གུས་ཀྱི་བསམ་པ་ཚིམ་པས་སྙན་བརྒྱུད་བཞི་ལྡན་དུ་གྱུར། ཡེ་ཤེས་དེའི་རྒྱུན་བསྐྱངས་པས་ཞག་རེ་ལ་ས་རེའི་རྟོགས་པ་ན་འཕར་ཏེ་ཉི་ཤུ་དགུའི་ནུབ་མོ་ས་དྲུག་པ་ལ་བཞུགས་པའི་བྱང་ཆུབ་སེམས་དཔའ་ཆེན་པོར་གྱུར་ཏེ།། དེ་ལྟར་རྟོགས་པ་བསྐྱངས་ཤིང་བཞུགས་པའི་ཚེ། མཐོང་ཚུལ་ཡ་མཚན་པ་སྣ་ཚོགས་བྱུང་བས་ཀུན་ཐེ་ཚོམ་དུ་གྱུར། དེའི་ཚེ་རང་ཉིད་ངན་པར་ཞལ་གྱིས་བཞེས་ནས་འཇིག་རྟེན་ཀུན་འདར་གྱི་སྤྱོད་པ་མཛད་པས་གནས་ནས་དབྱུང་བར། ཀྱེ་མ་དགེ་འདུན་བཟང་པོ་རྣམས་ཞེས་གླུ་བླངས། དེ་ནས་ཝ་ར་ཎ་སར་བྱོན་པའི་ལམ་ཆུ་བོ་གངྒའི་རྩར་བྱོན་ཏེ་ང་ངན་པ་ཡིན་པས་ཁྱོད་ལ་རེག་ཏུ་མི་བཏུབ་པས་ལམ་ཐོངས་ཤིག་གསུངས་པས་གངྒ་གྱེན་དུ་ལོག་