[A:༡༧]སྟེ་ལམ་ཐལ་གྱིས་བྱུང་བས་དགེ་འདུན་རྣམས་ཀྱིས་གྲུབ་པ་ཐོབ་པར་ཤེས་ནས་བཟོད་པར་གསོལ། ཝ་ར་ཎ་སིའི་ནགས་ཁྲོད་དུ། ཟས་གོས་ཀྱི་སྤྲོ་བསྡུ་ཅི་ཡང་མ་མཛད་པར་ཏིང་ངེ་འཛིན་ཁོ་ནར་ཡུན་རིང་བཞུགས། དེའི་ཚེ་ཝ་ར་ཎ་སིའི་རྒྱལ་པོ་གོ་བིནྡ་ཙནྡྲ་ནས་ཀུན་ལ་རྣལ་འབྱོར་པ་ལེགས་ཉེས་རྟོགས་ཤིག་ཟེར་ནས་བརྟགས་པས་མ་ཤེས་པར་རྒྱལ་པོས་ཆུར་བསྐུར་བ་དང་། གཤེད་མར་གཏད་པ་དང་། ས་དོང་ནང་དུ་བཅུག་སྟེ་ལྕགས་ཀྱི་ཕ་བོང་མང་པོས་མནན་པ་སོགས་ཇི་ལྟར་བྱས་ཀྱང་། དེ་ལྟར་བྱེད་མཁན་རྣམས་ཀྱི་སྔོན་ལ་སློབ་དཔོན་རྒྱལ་པོའི་དྲུང་དུ་ཐོགས་མེད་དུ་བྱོན་པས་རྒྱལ་པོ་འཁོར་བཅས་དད་ནས་བཟོད་པར་གསོལ། རྒྱལ་པོ་ཡུལ་འཁོར་བཅས་རྡོ་རྗེ་ཐེག་པའི་བསྟན་པ་ལ་བཀོད་པར་མཛད་དེ། དེ་ནས་ལྷོ་ཕྱོགས་བྷི་མི་ས་རར་གཤེགས་པའི་ལམ་གངྒའ་འགྲམ་དུ་ཀོ་མཁན་གྱིས་གྲུ་བཅས་མེད་ན་སྒྲོལ་ལུགས་མེད་ཟེར། འོ་ན་ཆུ་འདི་སྦྱིན་པས་ཆོག་ཅེས་སྡིགས་མཛུབ་བསྟན་པས་གངྒ་