[A:༢༤]དུ་གསན་པ་ཡིན་ཅིང་། ཁོང་བྱིན་རླབས་ཆེ་ཞིང་གདམས་པ་ཟབ་པས་སློབ་མ་ལམ་སྣེ་ཟིན་ངེས་དང་རྟོགས་པ་སྐྱེས་པ་ཉིས་བརྒྱ་ཙམ། རྒྱུད་བཤདརྫོགས་པ་བཅུ་བདུན། གསུང་ངག་རིན་པོ་ཆེ་རབ་འབྲིང་ཐ་གསུམ་ཐོབ་པ་བརྒྱད་ཀྱི་ནང་ནས་ཞང་སྟོན་ཆོས་འབར་ནི་བླ་མ་སེ་ལོ་བཅོ་བརྒྱད་གུས་པས་བསྟེན་པས་ཉམས་རྟོགས་མཐར་སོན་ཀྱང་སྦས་པའི་བརྟུལ་ཞུགས་ཁོ་ན་མཛད་མཁན་ཞིག་ཡིན། བླ་མ་ས་སྐྱ་པ་ཆེན་པོས་སེ་གཤེགས་རྗེས་དེའི་གདམས་ངག་མ་ལུས་པ་ཞང་སྟོན་ཆོས་འབར་ལ་ཡོད་པ་གསན་ཏེ་ནན་ཏན་གྱིས་གསོལ་བ་བཏབ་པས་དབྱར་དགུན་བཞིའི་རིང་ལམ་འབྲས་ཡོངས་རྫོགས་གནང་སྟེ་ས་ཆེན་དགུང་ལོ་སོ་གཉིས་ཆུ་མོ་ཡོས་ལོར་སྒྲུབ་པ་ལུང་སྦྱིན་གནང་སྟེ་རྡོ་རྗེ་ཐེག་པ་འདི་ལ་བསྒོམ་པ་ཁོ་ན་གནད་དུ་ཆེ། ངས་དེ་ཙམ་མ་བསྒོམས་ཏེ་ཁྱོད་ཡིད་ཆེས་པའི་ཆེད་ཡིན་གསུངས་ནས། རྫུ་འཕྲུལ་གྱི་བཀོད་པ་སྣ་ཚོགས་བསྟན་ཏེ་ཁྱོད་སྒྲུབ་པ་བྱས་ན་ལུས་མ་སྤང་པར་ཕྱག་རྒྱ་ཆེན་པོ་ཐོབ། བཤད་པ་གཙོ་བོར་བྱས་ན་སློབ་གྲངས་