[A:༢༧]གྲུབ་བཞི་སོགས་ཞལ་སློབ་ཏུ་གཏོགས་པ་ནི་ས་ཡི་རྡུལ་བཞིན་གྲངས་ཀྱིས་མི་ཆོད་པ་ཡོད། དེ་ལྟར་བླ་མ་ས་སྐྱ་པ་ཆེན་པོ་དེ་བསམ་གྱིས་མི་ཁྱབ་པའི་ཡོན་ཏན་གྱི་བདག་ཉིད་སྡོམ་གསུམ་གྱི་ཉེས་ལྟུང་ཕྲ་མོས་ཀྱང་མ་གོས་ཤིང་། བྱང་ཆུབ་ཀྱིས་སེམས་བཅོས་མ་མིན་པས་ཐུགས་རྒྱུད་ཕྱུག་པ། རིམ་གཉིས་ཀྱི་ཏིང་འཛིན་རྒྱུན་ཆད་མེད་པས་གང་ལའང་མཚན་འཛིན་མི་མངའ་བ། དད་དང་སྒྲུབ་པའི་སྒོ་ནས་བླ་མ་རྣམས་མཉེས་པར་མཛད་ཅིང་། ནང་གི་རྟེན་འབྲེལ་ཐམས་ཅད་ལ་རང་བྱན་ཚུད་པས་ཡི་དམ་གྱི་ལྷའི་ཞལ་གཟིགས་པ་དང་མངོན་ཤེས་དང་རྫུ་འཕྲུལ་ལ་ཐོགས་པ་མེད་ཅིང་། ཆོས་འཁོར་བསྐོར་བ། གདུལ་བྱར་ཉམས་ཁྲིད་བསྐྱངས་པ། རབ་གནས་མཛད་པ་སོགས་དུས་གཅིག་ལ་སྐུ་ཡི་བཀོད་པ་དྲུག་མཐོང་ཆོས་སུ་དངོས་སུ་སྟོན་པར་མཛད་པ་སོགས་འཕགས་ཡུལ་གྱི་གྲུབ་པའི་འཁོར་ལོས་བསྒྱུར་བ་རྣམས་དང་གཉིས་སུ་མེད་དེ། མཐར་དགུང་ལོ་རེ་བདུན་པ་ས་ཕོ་སྟག་གི་ལོ་ལ་ཞིང་ཁམས་བཞིར་སྐུའི་