[A:༣༥]སྒྲུབ་པའི་བརྒྱུད་འཛིན་རྒྱལ་བ་ཡང་དགོན་པ་སོགས་སྡེ་སྣོད་འཛིན་པའི་མཁས་མང་སྟོང་ཕྲག་མང་པོ་བསྐྲུན་པར་མཛད་པ་དང་། རྩོམ་པ་གཞན་དྲིང་ལ་མི་ལྟོས་པའི་སྡོམ་རིག་གཉིས་ཀྱིས་གཙོས་བཅུ་ཕྲག་རིག་པའི་གནས་ལ་སྨན་པའི་བསྟན་བཅོས་རྣམ་དག་མང་པོ། བསྟན་འགྱུར་གྱི་ཁ་སྐོང་དང་། འགྱུར་མང་པོ་མཛད་ཅིང་། ཁྱད་པར་རིག་གནས་ཕྱི་མ་གསུམ་གྱི་སྲོལ་གསར་དུ་ཕྱེས། རྗེ་ཉིད་ཀྱིས། ལུགས་འདི་གངས་རིའི་ཁྲོད་འདི་ན། བདག་མ་ཡིན་ལ་སྔོན་ཆད་མེད། །ཞེས་གསུངས་པ་ལྟར། བོད་ལྗོངས་ནང་བཅུ་ཕྲག་རིག་པ་ཞེས་པའི་མཚན་དོན་གཉིས་ཀ་ཡོད་པ་དེ་ནས་བྱུང་བར་ཀུན་ལ་གྲགས། འཕགས་ཡུལ་གྱི་སློབ་དཔོན་ཆེན་པོ་དཔལ་ཆོས་ཀྱི་གྲས་པ་དང་། ཤེར་འབྱུང་སྦས་པ་བློ་བརྟན་ཇི་བཞིན་མཚུངས་པ་མེད་པའི་སྤོབས་པའི་གད་རྒྱངས་ཆེ་ཆེར་བསྒྲགས། གཞན་ཡང་སྐུ་ཆེ་བའི་ཡོན་ཏན་གྱི་བ་དན་ཕྱོགས་ཀུན་ཏུ་གཡོ་བས་ས་ཆེན་པོའི་སྟེང་ན་མིའི་དབང་ཕྱུག་ཐམས་ཅད་མགོན་