[A:༣༨]སངས་རྒྱས་ནས་ལོ་འགའ་ཐལ་ཞེས་གསུངས་སོ།། འགྲོ་མགོན་ཆོས་རྒྱལ་འཕགས་པ་ནི། ས་པཎ་གྱི་སྐུ་མཆེད་ཟངས་ཚའི་སྲས་སུ་རབ་བྱུང་བཞི་པའི་ཤིང་མོ་ལུག་ལ་འཁྲུངས། ས་ཆེན་པོ་ལ་བཞུགས་པའི་བྱང་ཆུབ་སེམས་དཔའ་ཆེན་པོ་བསམ་བཞིན་སྲིད་པ་བཟུང་བ་ཡིན་ཏེ། དགུང་ལོ་བརྒྱད་པར་ཆོས་འཁོར་ཆེན་པོ་ཞིག་གི་སྐབས་གདུགས་ཐོགས་པ་སྟོང་སོགས་དགེ་འདུན་ཁྲི་ཁྲག་གི་དབུས་སུ་སྐྱེ་རབས་སོ་བཞི་དང་། ཀྱེ་རྡོར་གྱི་རྒྱུད་དངོས་པོ་སྟོབས་ཤུགས་ཀྱི་རིག་པ་དང་འབྲེལ་ཞིང་ཡིད་ཆེས་ལུང་གིས་བརྒྱན་པ་འཆད་པར་མཛད་པས་ཀུན་གྱི་འཕགས་པ་ཞེས་བསྔགས། འཇམ་དབྱངས་ས་པཎ་གཙོ་བོར་གྱུར་པའི་བཤེས་གཉེན་གྲངས་མེད་བསྟེན་ཏེ་དཔལ་དུས་ཀྱི་འཁོར་ལོ་སོགས་ཕྱི་ནང་གི་ཐེག་པ་བོད་དུ་བཞུགས་པའི་དམ་ཆོས་ཕལ་མོ་ཆེ་ཐུགས་སུ་ཆུད་པར་མཛད་དེ་ཐོས་པའི་མཛོད་ཆེན་པོ་འཛིན་པས་སྤོབས་པའི་གཏེར་གྲོལ། རྒྱ་ནག་ཏུ་ཧོར་སེ་ཆེན་གྱིས་སྔ་རྟིང་སྤྱན་དྲངས་པས་བསྟན་པ་དང་སེམས་ཅན་ལ་སྨན་པའི་བྱ་བ་རྒྱ་ཆེན་པོ་