[A:༦༥]ལུ་བ་དང་། ལྷག་པར་༸གོང་ས་ལྔ་པ་ཆེན་པོ་རྣམ་གཉིས་བྱོན། ཀུན་གཟིགས་ལྔ་པ་ཆེན་པོས་གདུལ་ཞིང་བསིལ་ལྡན་ར་བའི་ལྗོངས་སུ་སིལ་བུར་གྱུར་བའི་འགྲོ་རྣམས་ཕྱོགས་འཐེན་སོགས་རྒུད་པས་ཆེས་ངལ་བ་ལས་སྐྱོབ་ཕྱིར་འཛམ་གླིང་ཆེ་རྒུ་ཡོངས་ཀྱི་ཅོད་པཎ་དུ་ཞབས་སེན་རྣམ་པར་བཀོད་དེ་བོད་གངས་ཅན་པའི་ཆོས་སྲིད་ཡོངས་ཀྱི་བདག་པོར་བཞེངས་ནས་ཅི་བདེར་སྐྱོང་བའི་སྐབས། རིགས་བདག་མགོན་པོ་བསོད་ནམས་མཆོག་ལྡན་ལས་གསུང་ངག་སློབ་བཤད་ཤིན་ཏུ་ཞིབ་པ་ལམ་སྐོར་ཡོངས་རྫོགས་བཅས་གསན་བཞེས་ཀྱི་ཐུགས་དམ་གཙོ་བོར་མཛད། ལམ་འབྲས་སློབ་བཤད་ཁྲིད་ཡིག་ཆེན་མོའི་ཞལ་སྐོང་ཟིན་བྲིས་དང་། ཚར་ལུགས་བླ་མ་བཞིའི་རྣམ་ཐར་ལྗགས་བསྒྲིགས་དཔར་བསྐྲུན་སོགས་རྒྱ་ཆེ་མཛད། ཁྱད་པར་བར་དེར་གསུང་ངག་ལམ་འབྲས་སློབ་བཤད་ཀྱི་ཕྱོགས་ལ་མན་ངག་ཟབ་ཆོས་འཆད་པའི་ལྗགས་རིང་སྐྱོང་བ་དབང་པོའི་གཞུང་རིས་ཀྱི་སྤུན་ཟླར་ཆས་པ་ནི། ཞྭ་ལུ་མཁན་ཆེན་གདན་ཞུས་ཀྱིས་བླ་སློབ་ཡོངས་རྫོགས་ལ་གཞུང་