[A:༦༦]གནས་ནས་མཐུན་རྐྱེན་གནང་སྟེ་ལྷོ་ངོས་སུ་ལམ་འབྲས་སློབ་བཤད་སྨིན་རྒྱས་ཚུགས་པའི་བདག་རྐྱེན་ལས་རྒྱུན་གོང་འཕེལ་དུ་གྱུར་ཏེ་གསན་མིའི་གཙོ་བོ་ན་ལེནྡྲ་བཅོ་བརྒྱད་མཁྱེན་རབ་བྱམས་པ་ནས་བཟུངས་ས་ཆེན་ཀུན་བློའི་བར་བླ་མ་བཞི་པོ་དེ་དག་གི་འཕྲིན་ལས་ལ་བརྟེན་ལམ་འབྲས་སློབ་བཤད་ཀྱིས་མཚོན་སྙན་བརྒྱུད་ཚང་མ་དེང་སང་བར་ས་ངོར་གྱིས་མཚོན་བོད་ལྗོངས་ཀུན་ཏུ་གྲུབ་མཐའ་ཕལ་མོ་ཆེར་ཁྱབ་ཅིང་དར་རྒྱས་ཆེ་བ་ཡང་༸གོང་ས་ལྔ་པའི་བཀའ་དྲིན་ཁོ་ནར་ངེས། དེ་བཞིན་བོད་མདོ་སྟོད་སྡེ་དགེ་ཆོས་རྒྱལ་རིམ་བྱོན་གྱི་གདན་ས་དཔལ་ལྷུན་གྲུབ་སྟེང་ནི་གྲུབ་ཆེན་ཐང་སྟོང་རྒྱལ་པོ་དང་། སྡེ་དགེ་ཆོས་རྒྱལ་པོ་ཐར་བཀྲ་ཤིས་མཆོད་ཡོན་གྱིས་བཏབ། དགོན་ཆེན་དེར་བཤད་སྒྲུབ་དར་རྒྱས་ཆེ་ཞིང་དེང་བར་བཀའ་བསྟན་གསུང་རབ་རྒྱ་ཆེའི་པར་མཛོད་དང་། དགེ་འདུན་ཆིག་སྟོང་བདུན་བརྒྱ་སྐོར་ཡོད། ཞུ་ཆེན་མ་ཧཱ་པཎྜི་ཏ་ཚུལ་ཁྲིམས་རིན་ཆེན་སོགས་མཁས་པའི་འབྱུང་གནས་སུ་གྱུར་ཏེ་ས་ངོར་ཚར་གསུམ་གྱི་རིང་ལུགས་རྨ་མེད་དར་