[A:༦༨]འཆད་སྤེལ་རྒྱ་ཆེན་པོས་སྟོད་སྨད་ཀུན་ཏུ་ཁྱབ་པར་མཛད། ལྷག་པར་བློ་གཏེར་རྗེ་ཡབ་སྲས་ཀྱི་ཐུགས་སྲས་མཆོག་གྱུར་སྐྱེས་བུ་དམ་པ་འཁོར་ལོའི་མགོན་པོ་མཁན་ཆེན་རྡོ་རྗེ་འཆང་ངག་དབང་བློ་གྲོས་གཞན་ཕན་སྙིང་པོའི་ཞལ་སྔ་ནས་གཙང་ཕྱོགས་སུ་འཆད་སྤེལ་རྒྱ་ཆེ་གནང་བའི་མཐུས་དེང་བར་འཕྲིན་ལས་ཀྱི་སློབ་ཚོགས་ཀྱང་མང་པོ་ཡོད། སྡེ་དགེ་རྫོང་གསར་བཀྲ་ཤིས་ལྷ་རྩེར་མཁྱེན་སྤྲུལ་ཆོས་ཀྱི་བློ་གྲོས་ཀྱིས་ས་སྐྱའི་གྲགས་ཆེན་བཅོ་བརྒྱད་གཙོ་བོར་གྱུར་པའི་རིས་མེད་ཀྱི་བཤད་གྲ ཚར་ལུགས་གཙོ་བོར་གྱུར་པའི་སྒྲུབ་གྲ་གསར་འཛུགས་བསྐྱངས། དེ་དག་གིས་མཚོན་སྡེ་དགེ་ཁུལ་དུ་དགོན་ཆེ་ཕྲ་ཧ་ཅང་མང་པོ་དང་། ཁྲོམ་རྒྱལ་བ་བྱང་ཆུབ་ཀྱིས་བཏབ་པའི་ཁྲོམ་རྡོ་དགོན་དགེ་འདུན་སྟོང་ཕྲག་ལྷག་ཡོད་པ་དང་། སྒ་སྟོད་དུ་ས་ལོ་འཇམ་དཔལ་རྡོ་རྗེས་ཕྱག་བཏབ་པའི་ཨེ་ཝཾ་གཉིས་པ་སྐྱེ་རྒུ་དོན་གྲུབ་གླིང་ཞེས་པའི་དགོན་ཆེན་བཤད་སྒྲུབ་ཁྲིམས་གཙང་ངོ་མཚར་ཅན་དང་། འཇམ་མགོན་མཁྱེན་ཀོང་རྣམ་གཉིས་དང་། ཐར་རྩེ་