[A:40]'gyur/ /zhes pa'i lung bzhin bod kyi bla mas rgyal po gnang ba'i thog ma yin/ bod du yang sangs rgyas kyi bstan pa ris su ma chad pa yongs rdzogs la nye 'khon med par bskyangs pa'i phyag rjes che/ gsung las skyes pa'i slob ma yang / khang gnyan zhang gsum/ rgyud kyi bka' babs dga' ldan kun bkras gnyis/ man ngag gi bka' babs zhang kun gnyis/ bka' bzhin sgrub pa'i slob dpon bzhi/ nus pa'i bdag nyid rgyal po gnyis/ shar pa dus 'khor ba sogs che ba'i bdag nyid drug snar thang brgyad pa sogs de dus su byon pa'i kha ba can gyi bla dpon mkhas btsun ji snyed pa de snyed kyis 'phags pa gang gi zhabs spyi bor blangs te gsung gi bdud rtsi gsol bar mdzad pa sogs 'chad rtsod rtsom gsum phal pa'i blor ma shong ba'i rgyal bstan ha cang dar rgyas su bskyangs shing / lhag par gtsang chu mig ring mor ngur smrig 'dzin khri khrag bdun/ sde snod 'dzin pa stong phrag 'ga' shas/ skye bo phal ba