[A:41]bcas 'bum du longs pa la chos 'khor chen po bskor/ gser gyi phung po 'bru ltar spungs te re re'i phyag tu 'gyed pa dang / ja dang 'bru sogs gya nom pa bstangs par mdzad de bla chen nyid kyis byang chub sems bskyed kyi sdom pa brda' don 'phrod nges su 'bogs par mdzad/ des na 'jam dpal rtsa rgyud las/ yi ge dha zhes sdom brtson nyid/ /ston pa'i bstan pa gsal bar mdzad/ /ces pa'i dha zhes bya ba'i blo gros kyi mtshan zur dang po dang / tshig gnyis pa'i don sdom brtson rgyal po'i tshul bzung nas ston pa'i bstan pa rgyas par mdzad pas lung bstan par grub bo// 'phags pa'i sku mched 'gro mgon phyag na ni bod kyi chos srid bskyangs shing shi ba slong nus pa 'khor gsum nyi zer la 'gel ba grag la phyag mdzas chu bton pa sogs phul du gyur pa'i yon tan can phyag na rdo rje'i sprul par grags/ de'i sras dha rma pa las yab mes kyi chos srid mnga' thang 'dzin cing sku gzhon nur gshegs/