[A:42]gdung ring srel gyi phung por gyur pos rgya bod dad pa'i gnas la bkod/ de'i sku brgyud ma byung yang / zangs tsha'i zur sras ye shes 'byung gnas kyi sras bla ma bdag nyid chen po la rgya nag tu sgrol mas dbugs dbyungs mdzad pa ltar sras bco lnga 'khrungs/ sras bgres pa ti shri kun blos sku mched rnams bla brang khag bzhi la dgos pa'i rin chen sgang pa'i gdung las bla ma dam pa bsod nams rgyal mtshan 'khrungs/ rje 'di ni gsan bsam rgya mtsho'i mthar son te gangs can mkhas grub phal mo ches zhabs la btud pas slob brgyud du ma gtogs pa med pa lta bu yin/ gdung de la rgya gar shes rab rgyal mtshan/ bdag chen blo gros rgyal mtshan sogs mkhas btsun grub pa'i khyu mchog bsam mi khyab pa byon/ lha khang bla brang pa'i gdung las kyang mkhas grub mang po byon zhing / deng sang gi 'khrul med gdung brgyud 'di dag ni dus mchod bla brang gi gdung ste skyes chen mkhas grub bar ma chad pa byon zhing bar skabs su