[A:༤༢]གདུང་རིང་སྲེལ་གྱི་ཕུང་པོར་གྱུར་པོས་རྒྱ་བོད་དད་པའི་གནས་ལ་བཀོད། དེའི་སྐུ་བརྒྱུད་མ་བྱུང་ཡང་། ཟངས་ཚའི་ཟུར་སྲས་ཡེ་ཤེས་འབྱུང་གནས་ཀྱི་སྲས་བླ་མ་བདག་ཉིད་ཆེན་པོ་ལ་རྒྱ་ནག་ཏུ་སྒྲོལ་མས་དབུགས་དབྱུངས་མཛད་པ་ལྟར་སྲས་བཅོ་ལྔ་འཁྲུངས། སྲས་བགྲེས་པ་ཏི་ཤྲི་ཀུན་བློས་སྐུ་མཆེད་རྣམས་བླ་བྲང་ཁག་བཞི་ལ་དགོས་པའི་རིན་ཆེན་སྒང་པའི་གདུང་ལས་བླ་མ་དམ་པ་བསོད་ནམས་རྒྱལ་མཚན་འཁྲུངས། རྗེ་འདི་ནི་གསན་བསམ་རྒྱ་མཚོའི་མཐར་སོན་ཏེ་གངས་ཅན་མཁས་གྲུབ་ཕལ་མོ་ཆེས་ཞབས་ལ་བཏུད་པས་སློབ་བརྒྱུད་དུ་མ་གཏོགས་པ་མེད་པ་ལྟ་བུ་ཡིན། གདུང་དེ་ལ་རྒྱ་གར་ཤེས་རབ་རྒྱལ་མཚན། བདག་ཆེན་བློ་གྲོས་རྒྱལ་མཚན་སོགས་མཁས་བཙུན་གྲུབ་པའི་ཁྱུ་མཆོག་བསམ་མི་ཁྱབ་པ་བྱོན། ལྷ་ཁང་བླ་བྲང་པའི་གདུང་ལས་ཀྱང་མཁས་གྲུབ་མང་པོ་བྱོན་ཞིང་། དེང་སང་གི་འཁྲུལ་མེད་གདུང་བརྒྱུད་འདི་དག་ནི་དུས་མཆོད་བླ་བྲང་གི་གདུང་སྟེ་སྐྱེས་ཆེན་མཁས་གྲུབ་བར་མ་ཆད་པ་བྱོན་ཞིང་བར་སྐབས་སུ་