[A:34]dka' ba'o/ /da ni bdag gis slob dpon gyi yon ni phyis gsab par bya ste/ thog mar kar sha pa ni lnga brgya po 'dis de bzhin gshegs pa la mchod par bya'o| |snyam du dgongs nas me tog btsal ba la rgyal pos me tog btsong du med pa'i khrims bcas pas ma rnyed pa de'i tshe bram ze'i bu mo bzang len ldan gyis me tog
utpal bdun
gsang te nyos nas chu'i bum par sbas pa khye'u yi mthus nam mkha' la 'thon te/ de nas khye'us me tog de nyid nyor byin zhig ces smras pa dang skye ba thams cad du khyim thab tu khas len na sbyin no zhes zer ba la/ bu mo| de skad ma zer cig bdag ni rtag tu tshangs par spyad pa spyod do/ /zhes smras pa dang / de ltar na'ang lan cig de ltar khas long dang phyis kho mos dge ba'i bar chad mi byed do zhes pa la/ skye ba thams cad du khyim thab tu gyur cig ces khas blangs te/ utpal lnga nyos nas utpal lnga phul gnyis mo rang gi mchod pa'i skal bar bzhag
de bzhin gshegs pa mar me mdzad ga la ba der utpal lnga po thams cad
gtor te| khri snyan sa le'i lpags pa bting pa nyan thos kyis brtul pa dang slar yang bting nas mar me mdzad de bzhin gshegs pa kun nas spyan bdag gi lhag pa'i bsam pa thugs su chud par mdzod la ri dwags kyi lpags pa la zhabs bzhag par mdzod cig de byon pa mchod pas mnyes par byas te/ ral pa gser gyi mdog can stan du bting nas mar me mdzad kun nas spyan ral pa 'di la zhabs bzhag bdag lung bstan pas dbugs dbyung du gsol/ phyag gis drang du gsol/ gal te zhabs mi 'jog gam lung mi ston na 'di nyid du lus bskam par bya'o/ /zhes yid dam brtan po byas pa dang / ston pas de'i