[A:33]gyis rgyal po dgra thul zhes bya ba'i pho brang padmo can zhes bya ba'i tshong 'dus kyi dbus su phyin te/ de'i tshe dgra thul gyis bram ze mar me'i bdag po zhes bya ba la rgyal srid byin te gnyis ka chos kyi rgyal srid skyong ba dang / mar me'i bdag po la khye'u 'od gsal zhing mdzes pa zhig btsas pas bram ze mtshan mkhan gyis byang chub tu lung bstan te/ de'i ming mar me mdzad ces bya bar btags so/ /de nas ma ma dag gis bskyed bsrings te ring po ma lon par mkhas par gyur pa dang gtsang ma'i lhas bskul te/ btsun mo'i 'khor gyi nang 'dir ni/ /yon tan 'byung gnas gyur pa med/ /drang srong rgyal mtshan gnas na ni/ /byang chub dam pa rtogs par 'gyur/ /zhes gsan pa dang / khyim spangs te rab tu byung bas de nyid kyi mtshan mor sangs rgyas te/ de bzhin gshegs pa mar me mdzad ces bya bar gyur to/ /de'i tshe rgyal po dgra thul gyis bram ze mar me'i bdag po khyod kyi sras zhig sangs rgyas so zhes thos pas de bdag gi drung du gshegs su gsol/ gal te mi gshegs na bdag dpung gi tshogs yan lag bzhi dang bcas pa mchi'o zhes pho nya btang ba dang / de bcom ldan 'das nyid la gsol bas dgra bcom pa bye ba phrag brgyad cu dang / byang chub sems dpa' stong phrag brgyad cu rtsa bzhi dang bcas pa dgra thul gyi pho brang du spyan drangs te nam mkha' la lha rnams me tog dang rol mo/ sil snyan glu dbyangs dang bcas te/ bzhugs pa mthong nas khyed ci byed dris pa dang / khyod kyis mi shes sam 'di na de bzhin gshegs pa mar me mdzad bzhugs so zhes zer ro/ /de skyi bungs zhes byed de kye ma sangs rgyas 'jig rten du byon pa ni u dum wa ra'i me tog bas kyang ches rnyed par