[A:55]dad nas go'u ta ma 'o ma 'thung pa dang 'tshal ba lhod pa'o zhes smra zhing wA rA Na sIr gnas so// //
! brgyad pa byang chub snying por gshegs pa ni/ de nas lha rnams kyis lam dang byang chub snying po legs par brgyan pa'i nang du yang lha dang lha mo rnams kyis byang chub kyi shing brgyad khri yongs 'du sa brtol lta bu bskyed par bde bar gshegs te/ rdo rje'i gdan du rtswa bting ba la bzhugs par dgongs nas|rtswa 'tshong bkra shis la/ bkra shis rtswa dag nga la myur du byin/ /de ring nga la rtswa yis don chen 'gyur/ /dpung dang bcas pa'i bdud ni bcom nas su/ /byang chub zhi ba dam pa 'thob par 'gyur/ /gang gi ched du nga yis bskal stong du/ / sbyin dang dul dang sdom dang gtong byas dang / /tshul khrims brtul zhugs dka' thub rab spyad pa/ /de ni de ring nga yis 'thob par 'gyur/ /zhes te/ rtswa ku sha rma bya'i mgrin pa ltar sngo zhing 'jam la dri zhim pa lcang lo ltar g.yas su 'khyil ba chag gang blangs nas thub pa nyid kyis byang chub kyi shing drung du ma 'khrugs par bting pa la shar du gzigs te/ sku drang por bsrangs nas dgongs pa mngon du bzhag ste skyil mo krung du bzhugs nas/ stan 'dir bdag gis lus 'di skams kyang rung / /pags pa rus pa sha rnams zhig gyur kyang / /bskal mang rnyed dka'i byang chub ma thob bar/ /stan 'di las ni lus bskyod mi bya'o/ /zhes dam bca' mdzad pa la phyogs bcu'i byang chub sems dpa' rnams 'dus pas mchod do/ / ! dgu pa bdud btul ba ni/ de nas srod la smin mtshams nas bdud kyi dkyil 'khor rnam par 'joms pa zhes bya ba'i 'od bkye ba dang / 'od des stong