[A:54]shes mi 'thob bo/ /yang dper na de gnyis skam po la gtsubs pas me 'byung ba bzhin du/ de dag gi lus sems dben pa la gnas te 'dod pa la ma chags pas dka' ba spyad na ye shes 'thob bo zhes dpe gsum gyis sngar ma shes pa'i chos shes par gyur to/ /de nas tshul khrims dang rtul zhugs mchog tu 'dzin pa'i yongs su gdung bas dga' ba tshol ba/ nya lcibs dang / ba glang gi lci ba za ba dang / skra'i lwa ba gon pa dang / gcer bu mgo breg pa dang / me lnga bsten pa la sogs pa'i mu stegs can rnams sun dbyung ba'i phyir/ lteng rgyas gyi shar phyogs 'jug ngogs bde ba'i klung nai rAnydza na'i klung 'gram du/ zas dang skom bcad de til phyed phyed tsam gsol nas bya dka' ba'i spyod pas lo drug tu mkha' khyab kyi ting nge 'dzin la snyoms par zhugs so/ /de ni bsam gtan bzhi pa'i ting nge 'dzin te/ de'i tshe lha dang mi phrag khrig phrag bcu gnyis theg pa gsum la bkod do/ /de'i tshe bdud kyis dpag tshad brgyad cu dmag gis bkang ste glags btsal kyang skabs ma rnyed nas/ mi snang bar gyur to/ /de nas dus gsum gyi sangs rgyas kyi thugs kyi 'od zer gyis bslangs pa dang / tshul 'dis byang chub mngon du bya bar mi nus snyam nas de las bzhengs pa dang / zhing pa'i bu mo legs skyes ma lha rnams kyis bsngags te/ gser gyi gzhong pa 'bras chan dang 'o mas bkang te phul ba/ chu gling la klu'i bu mos khri bshams pa la bzhugs te gsol nas snod chu la bor ba
klu'i rgyal po rgya mtshos khyer ba la/ nam mkha' lding du sprul nas/ 'phrog par brtsam pa ma mthong ba slar rang nyid kyis blangs te
brgya byin gyis khyer ro/ /de'i tshe thub pa'i sku brtas te gser gyi gtan pa phyis pa lta bur gyur pa dang / lnga sde ma