[A:59]po'i rgyun de nyid ma dor ba sku gsum ye shes bzhi dang ldan pa nyid du mngon par rdzogs par sangs rgyas so/ /de'i tshe phyogs bcu'i zhing khams thams cad g.yos par gyur te/ skyes bu seng ge de yis bdud dpung bcas btul te/ /ston pa bsam gtan bde ba mngon du mdzad nas ni/ /gang tshe stobs bcu'iX rig pa brnyes gyur tshe/ /phyogs bcu'i sangs rgyas zhing mang bye ba g.yos par gyur/ / zhes so/ /de nas phyogs bcu'i sangs rgyas rnams kyis phyag brkyangs te/ ka la ping ka'i dbyangs kyis/ bdag cag ji ltar sangs rgyas pa/ /de lta kho nar khyod sangs rgyas/ /dper na mar dang mar nyid kyi/ /nying khu mtshungs pa bzhin du gyur| |zhes gsungs la/ 'og min man chad kyi lha rnams kyis kyang mchod cing bskor ba byas nas bstod do/ /ston pas kyang dang po kho nar tshangs pa'i dbyangs kyis| bsod nams rnam smin bde ste sdug bsngal sel/ /bsod nams ldan pa'i bsam pa rnams kyang 'grub/ /bdud bcom nas ni byang chub mngon sangs rgyas| |mya ngan 'das shing bsil ba'i dngos po thob/ /ces so// //
! bcu gcig pa chos kyi 'khor lo bskor ba la gsum ste/ dang po rgyu gsum gyis zhag bdun phrag bdun du chos ma gsungs pa'i tshul dang / bar du gdul bya rigs can gsum byang chub gsum la bkod pa'i don gsum gyis chos kyi 'khor lo gsum gsungs pa'i tshul dang / de la rtsod pa spang ba'o/ /dang po ni dam pa'i chos khungs btsun pa'iX 'byung dka' ba dang / ston pa la gus pa dang | skul ba po'i bsam pa bskang ba'i phyir sangs rgyas nas zhag bzhi bcu rtsa dgur chos ma gsungs te/ de la zhag bdun phrag dang po la 'di snyam du/ ngas