[A:60]'dir thog ma med pa'i skye rga na 'chi'i sdug bsngal ma lus pa thams cad phyung ngo / zhes skyil mo krung ma gshigs pa nyid du byang chub kyi shing la gzigs pa ni chos nyid de/ sangs rgyas stobs
gnas las khams chos dbang po dang / /kun tu 'gro dang sngon gyi gnas||'chi 'pho zag pa med mkhyen pa/ /'di dag thub pa'i stobs bcu'o/ /
bcu mnga' ba rnams// gang du smon rdzogs dbang bskur ba'i/ /sa yi snying por zhag bdun ni/ /rgyal ba'i skyil krung mi 'jig go /zhes so/ /de'i tshe lha rnams kyis spos chu'i bum pa stong phrag bcus sku bkrus so/ /gnyis pa la ni stong gsum ring du 'chag go / gsum pa la ni byang chub kyi snying po la gzigs so/ /bzhi pa la ni rgya mtsho'i bar du 'chag ste/ de'i skabs su sdig can 'ongs nas bcom ldan 'das mya ngan las 'da' ba'i dus la babs kyi 'da' bar gsol zhes zhus pas ma gnang ngo / /lnga pa la ni 'dzam bu'i gling du yul ngan chen po byung nas/ klu'i rgyal po btang bzung gi gnas su spyan drangs te der gshegs so/ /drug pa la ni shing nya gro ta ra skyong gi drung du bzhugs te kun tu rgyu dang gcer bu pa la sogs pas go'u ta ma yul ngan chen pos 'o ma brgyal lam zhes dris pa dang / kun tu rgyu/ bdag la/ chos thos pa dang mthong bas bde/ /dben par dga' ba bde ba yin/ /srog chags 'byung po rnams la gdams/ /gnod pa mi byed 'jig rten bde/ /nga snyam nga rgyal gang 'dul ba/ /de yis mchog tu bde ba yin/ /zhes pa dang / gzhan yang skye rga na 'chis yongs su gdungs pa'i 'jig rten la gzigs nas/ gzugs dang sgra dang dri ro reg rnams kyis/ /'jig rten 'di ni kun tu gdungs bar 'gyur||srid pas 'jigs shing srid pa'i sred pa yis/ /phyir zhing srid pa 'tshol