[A:61]bar byed pa yin/ /zhes gsungs te bka'i thog mar grags so/ /bdun pa'i tshe shing sgrol rgyu'i tshal du bzhugs pas/ tshong pa ga gon dang bzang po lho nas byang du phyin pa'i tshe/ glang bu cang shes legs skyes dang grags pa gnyis 'gror ma 'dod nas/ phyogs kun tu btsal bas de bzhin gshegs pa mthong ste/ sbrang rtsi dang skyo ma dang bur shing bshus pa phul ba/ rgyal po chen po bzhis gser dang dngul dang baiDUrya dang shel dang spug dang rdo'i snying po dang / rin po che thams cad las byas pa'i lhung bzed bdun bzhi nyi shu rtsa brgyad phul bas ma bzhes nas| slar yang rdo'i lhung bzed bzhi gser gyi me tog gis bkang ste phul ba blangs nas gcig tu byin gyis brlabs pa'i nang du bzhes te/ nga yis srid par snod rnams dang / /bzang rgyas 'bras bus bkang ste sbyin/ /de nas lhung bzed dbyibs legs bzhi/ /rdzul 'phrul chen po'i lha bzhis byin/ zhes so/ /de nas bram ze rma bya zhes bya ba tshangs pa'i 'jig rten du skyes pa'i lha'i bu zhig na re/ de la zhal zas phul cig dang gsol nas chos kyi 'khor lo bskor bar 'gyur ro// zhes zer nas rin po che'i gzhong pa sbrang rtsi dang 'o mas bkang nas phul ba gsol te/ snod nam mkha' la bor ba tshangs pas khyer ro/ /de nas 'di skad ces| lha yi bkra shis don grub pa/ /phyogs rnams bkra shis byed pa des/ khyed kyi don rnams 'grub gyur cig /thams cad myur du mthun par shog /ces shis pa brjod nas/ khyed rnams kyi ni dge ba'i las 'di yis/ /sbrang rtsi 'byung zhes bya ba'i rgyal bar 'gyur/ /zhes de gnyis kyang lung bstan no/ /de nas 'di snyam du ngas chos zab mo bstan cing spyad du med pa rtog ge'i spyod yul ma yin pa