[A:65] zhes pa la sogs pa nga rgyal gyis zhal gyi 'che ba du ma yang gsungs nas/ ri ga ya'i mgor gshegs pa dang / klu'i rgyal po shing rta 'dzin gyis bshos drangs so// de nas lnga sde can du gshegs pa dang / de dag gis mthong nas brnyas shing go'u ta ma yong ba la/ nyams pa/ lhod pa/ mang du za ba de byung gis/ bsu ba dang / ldang ba dang / stan 'ding ba la sogs mi bya'o/ /zhes khrims bcas pa dang thub pa'i gzi brjid ma bzod de langs nas stan bshams te tshe dang ldan pa go'u ta ma legs par byon tam khyod kyis ye shes mngon du byas sam zhes brjod pa na/ dge slong dag khyed de bzhin gshegs pa la tshe dang ldan pa zhes ma brjod ciganyams pa dang lhod pa zhes kyang ma sems shig nga ni zag pa zad pa'o/ /nga ni thams cad mkhyen pa'o/ /nga ni thams cad ston pa'o/ /tshur shog la legs par nyon cig dang / ngas khyed la chos bstan par bya'o/ /zhes gsungs ma thag tu de dag la mu stegs kyi rtags med par skra byi ste/ chos gos lhung bzed dang ldan par bsnyen par rdzogs pa'i dge slong gi dngos por gyur te/ 'khor 'dus pa'i dang por gyur to/ /de nas phyogs gang du sngon gyi rgyal ba dag gis chos gsungs pa der/ rin po che'i khri stong byung ba dang / 'khor ba 'jig dang gser thub dang // 'od srungs shAkya'i skyes mchog dang / /zhes pas snga ma gsum gyi khri la bskor ba mdzad nas/ bzhi pa la bag tsha ba med par rdo rje'i skyil mo krung gis bzhugs pas khri gzhan rnams mi snang bar gyur pa dang / nyid kyi smin mtshams nas 'od bkye ba las sgra grags pa/ de ni thugs dam brtan pa ste/ /wA rA Na sIr ri dwags gnas/ /gshegs te 'khor lo bla na med/ /shin tu rmad byung dpal ldan